Vur guat zwatausend Jåhr
håt uns a Kindl
A Botschåft bråcht.
Wer hört heut no
auf de Botschåft?
Vur a zwatausend Jåhr
håt uns a Kindl
in Friedn bråcht.
Wo wår da Friedn
seit zwatausnd Jåhr?
Vur a zwatausend Jåhr
hat uns a Kindl
de Hoffnung bråcht.
des is båld des Anzige
was de Jåhr durchghåltn hat.
Seit a zwatausnd Jåhr
hoffn de Menschn,
dass d Menschn
irgend amål gscheider werdn.
Hoffn könn mar no ållaweil.
Du wüllst ah an Friedn?
Friedn kånnst dar net wünschn.
Des wird net funktioniern.
Friedn kånnst åber selber måchen,
kånnst selber friedlich sei,
kånnst Friedn verschenkn.
In dem Sinn
wünsch i dir friedliche, fröhliche Weihnåchten.
Und ålls Guade im neuchn Jåhr.